Zubia dagoeneko zabalik dago herritarrentzat
Ekainaren hasieran hasi ziren Olaldeko zubia berritzeko lanak amaitu dira. Horrela, azpiegitura berria eskuragarri dago herritarrek erabil dezaten. Udalak 294.391,46€ euro (BEZa barne) bideratu ditu jarduera horretarako.
Horrela, ia bi urtez ezgaituta egon ondoren, Olaldeko zubiak itxura berritua du, baina, batez ere, segurua. Izan ere, 2021ean, Mungiako Udalak egituretan espezializatutako ingeniaritza bati Olaldeko zubiaren egoera ezagutzeko txosten bat eskatu zion. Ondorioa , gomendagarria zela ixtea, eta Udalak berehala debekatu zuen pasatzea.
2022ko udan, Mungiako Udalak lehen lizitazio-prozedura ireki zuen konponketa- eta aldaketa-obrak kontratatzeko. Prozedura hori hutsik geratu zen, eta, beraz, bigarren prozedura bat ireki zen. Hala, 2023ko urtarrilaren 19an, zubia konpontzeko eta aldatzeko obrak esleitu zitzaizkion Construcciones Gabrimol 2000 enpresari.
Denbora horretan, URAren (Uraren Euskal Agentzia) baimena lortzeko beharrezko izapideez gain, aldi baterako irtenbide bat bilatu zen ibaia zeharkatzen duten zerbitzuetarako, zubiaren taularen behealdetik ainguratuta.
Jarduketa-faseak
Hala, obraren lehen fasea zubiaren azpian zeuden instalazioak erretiratzea izan zen. Horretarako, Iberdrolak aireko sare bat instalatu zuen behin-behinean, ibaiaren ibilgua libratzeko eta Olalde Beresia aldeari zerbitzua ematen jarraitzeko.
Lan hori egin ondoren, zubia kendu eta berria instalatu zen. Beraz, pasabide berria Austrian egin da, eta dagoeneko instalatu da, eta herritarrentzat egokituta dago.
