Apirilaren 23an, Eusko Jaurlaritzak txikizkako merkataritza-establezimenduetan eta zenbait zerbitzutan inbertitzeko 2024 deialdia argitaratuko du, eta eskaerak egiteko epea apirilaren 24tik, asteazkena, irailaren 30era arte luzatuko da.
Aurten, laguntzaren ehunekoa % 40ra igoko da, eta dirulaguntzaren gehieneko zenbatekoa 9.000 eurotik 10.000 eurora.
XEDEA: EAEko merkataritza-establezimenduetan eta merkataritza-jarduerarekin lotutako zenbait zerbitzutan energia-kontsumoaren modernizazioa eta efizientzia hobetzea sustatzea berrikuntzaren bidez; oinarri teknologiko eta eko-eraginkorrak dituzten prozesuak ezartzea; eta kudeaketa-tresnak, azpiegiturak eta ekipamenduak hobetzea, kalitate- eta lehiakortasun-maila handiagoa lortzeko.
ERAKUNDE ONURADUNAK: autonomoak, mikroenpresak eta enpresa txikiak.
DIRUZ LAGUN DAITEKEEN KONTZEPTUA:
1. Merkataritza-establezimenduaren azpiegitura eta ekipamendua berritzea. Gutxieneko inbertsioa: 3.000 € (BEZik gabe)
2. Teknologia berriak eta berrikuntza txertatzea. Gutxieneko inbertsioa: 1.000 € (BEZik gabe)
DIRUZ LAGUN DAITEZKEEN GASTUAK:
Lerro informatikoa: ordenagailua, programa informatikoak, ST, web orria, Ticket Bai, balantzak...
"Lokala" lerro: igeltserotza-lanak, zoruak, sabaiak, hormak margotzea, argiztapena, errotulu komertzialak, altzariak, beira-arasak, apalategiak, erakusmahaiak, makineria estetikoa (zelulitisa, laserra, indiba, etab.), klimatizazio- eta isolamendu-ekipoak, etab.
DIRULAGUNTZAREN ZENBATEKOA:
Diruz lagun daitekeen inbertsioaren % 40. % 52raino irits daiteke, baldintza gehigarri batzuk betetzen badira.
Gehieneko zenbatekoa: 10.000 euro.
EPEAK: diruz lagundu daitezkeen inbertsioen aldia: 2023ko urriaren 1a, oraingo deialdia amaitu arte, 2024ko irailaren 30a arte.
ESKABIDEAK AURKEZTEA: eskabideak aurkezteko data: 2024ko apirilaren 24tik irailaren 30era edo kreditua agortu arte. Kreditu horri beharrezko publizitatea emango zaio.