Herriko ekonomiaren sektore garrantzitsua denez, Mungialdeko Behargintzatik hainbat zerbitzu eskaintzen ditugu kalean bertan dauden establezimenduei zuzenduta:

Zure beharrei erantzun eta zurekin lan egiten dugu zure negoziorako hautagaitza egokiak bilatzeko.

Zure beharrak entzun eta irtenbide posibleak lantzen ditugu, hala nola zure negozioari egokitutako prestakuntza.

Zure negoziorako interesgarriak diren diru-laguntzei buruzko informazioa eman eta laguntza eskaintzen dizugu horiek eskatzeko eta izapidetzeko.

Bilerak, hitzaldiak, erakusketak...Non egin ditzaket? Udal lokalak jartzen ditugu zure eskura topaketa hauek garatzeko.

Zure negozioari zuzendutako dinamizazio-jarduerak antolatzen eta garatzen ditugu. Ideiak eman nahi badituzu, zure zain gaude!

Mungiako Udalak, Mungialdeko Behargintzak eta Mungiako Merkatari eta Ostalarien Elkarteak Merkataritza Mahaia osatzen dugu, eta gure helburu nagusia herriko establezimenduak biziberritzea eta sustatzea da.